2014, ഫെബ്രുവരി 21, വെള്ളിയാഴ്‌ച

അമ്പലക്കുളം

ഞാനിറങ്ങിപ്പോകുന്ന വഴികളില്‍ 
വഴുക്കുന്ന കരിങ്കല്‍ പടവുകളുണ്ട്..
അവയില്‍ പായലുകള്‍ 
വടിവൊത്ത അക്ഷരങ്ങളില്‍ 
ജീവരേഖ കുറിച്ചിട്ടുമുണ്ട് .!

കുളം കലങ്ങിക്കിടപ്പാണ്,
ആഴങ്ങളിലസ്ഥികൂടങ്ങള്‍
കൈകോര്‍ത്തുപിടിച്ച് ചിരിക്കുന്നുണ്ട് ,


അരയാല്‍  ഇലകളാലെന്നെ  
 വിളിക്കുന്നു.
ഓരോ വേരുകളിലും 
ഓരോ  മന്ത്രമെഴുതിയ ഓലകളുണ്ട് .

ഉപ്പുചേര്‍ത്തുരുവിട്ടയെന്റെ  
പ്രാര്‍ത്ഥനകള്‍
ദേവാ നിനക്കുള്ള രക്താഭിഷേകമത്രേ!!!

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ