ശെരിയാണ് നീ പറഞ്ഞത് !!!
നിശബ്ദമായ മുറിയായിരുന്നിത്,
ഞാനാകാശത്തെ വിളിച്ചതായിരുന്നു ,
ചിറകുള്ള കുതിരകളും
മഴയും പുഴയും
വേരോടെ വൃക്ഷങ്ങളും ....
വൃത്തിയുമുണ്ടായിരുന്നു ...
അക്ഷരങ്ങളെല്ലാം
മണ്ണിലും മഞ്ഞിലും ഒളിച്ചിരുന്നു
എന്നെ കളിയാക്കി ചിരിച്ചു
കളിമണ്ണ്‍ കുഴച്ചുണ്ടാക്കിയ
കരിമുകിലിനെ കണ്ടില്ലേ നീ ?
അലോസരമാകാതെ മടങ്ങാം ..
പക്ഷെ എന്റെയീ ലോകം
നിന്നെ അലട്ടി ക്കൊണ്ടെയിരിക്കും..
ഒരു നോട്ടത്തില്‍ കരിഞ്ഞു പോകാന്‍
മനസൊരു കടലാസു തുണ്ടല്ലല്ലോ!!!!
അല്ലെങ്കിലും ഞാനൊന്നും
മിണ്ടുന്നില്ലല്ലോ ....
ഇവരുടെ കലപിലകള്‍ ...
ഒരു ചുവര്‍ ചിത്രം പോലെ
മനോഹരമല്ലേ ???
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ