2017, മാർച്ച് 30, വ്യാഴാഴ്‌ച

gulariya

വീട്  പഴയതുപോലെ തന്നെ  നനഞ്ഞൊലിച്ചു നിന്നു. ഒരു സ്‌കൂൾ കുട്ടിയുടെ കൗതുകത്തോടെ  ഗുലാരിയ വീടിനെ നോക്കി നിന്നു . 'ഇത് നിന്റെ വിവാഹവസ്ത്രങ്ങളാണ് ' കൈകളിൽ മൂന്നോ നാലോ സാരികളുമായി മതിമയീ ദേവി അവൾക്കടുത്തേക്കു വന്നു . വിവാഹ ..... ഒരുതരം അമ്പരപ്പോടെ  ഗയ പറഞ്ഞു വന്നതവിടെ നിർത്തി . അതെ ഇവയെല്ലാം നിനക്കുള്ളതാണ് , മുത്തശ്ശി ഒരു വിവരണത്തോടെ മുന്നോട്ടു വന്നു ,പൂജാദിവസങ്ങളിൽ ഹരിചന്ദിന്റെ   'അമ്മ നിന്നെ കണ്ടിരുന്നു , അവർ വലിയ പണക്കാരാണ് . നിന്നെ അവർക്കു വലിയ ഇഷ്ടമായി .ഹരിചന്ദിന് നിന്നെ  വിവാഹം  ചെയ്തു കൊടുക്കാമെന്നു ഞങ്ങൾ സമ്മതിച്ചിട്ടുണ്ട് .
മനസിലാവാത്ത  ഏതോ  പുതിയ  ഭാഷ കേൾക്കുന്ന  തരത്തിൽ  ഗുലാരിയ  നിന്നു, അവർ പണക്കാരായതിനു  എനിക്കെന്താണ് ? എന്റെ  സമ്മതം ചോദിക്കാതെ  നിങ്ങൾ എന്തിനിത് .......

അവർ ഈ  വീട്  വിലയ്ക്കു വാങ്ങി സഹായിക്കും   , അങ്ങനെയെങ്കിൽ എനിക്കും  അമ്മയ്ക്കും  ഗ്രാമത്തിലേക്ക് മടങ്ങിപ്പോകാമല്ലോ, മതിമയീ ദേവി  ഒരു മറുപടിക്കു കാത്തു നിൽക്കാതെ  പുറത്തേക്കിറങ്ങി .
'കച്ചവടം '  . ഗുലാരിയ  പതിയെ  പറഞ്ഞു , തനിക്കു തന്നെ  അത്  മന്സിലാവേണ്ടതുണ്ട് എന്ന  രീതിയിൽ  അവൾ ആ  വാക്ക്  വീണ്ടും  വീണ്ടും  ആവർത്തിച്ചു 

2017, മാർച്ച് 21, ചൊവ്വാഴ്ച

തോൽ വി

നമ്മൾ  ഒരായിരം തവണ മരണപ്പെടാൻ സാധ്യതയുള്ളവരാകുന്നു,
പ്രിയപ്പെട്ട ഓരൊ ആളിന്റെ മരണത്തിലും അയാളുടെ ലോകത്തിൽ നിന്ന് നാമും മരണപ്പെടുന്നുണ്ട്‌.

എന്നാൽ ആർക്കെങ്കിലും നമ്മെ കൊല്ലാനാവുന്നത്‌ ഒരിക്കൽ മാത്രമാണു.
അവരുടെ ലോകത്തിൽ നിന്ന് നമ്മെ വേർപ്പെടുത്തുമ്പോൾ മാത്രം.

ഒരായിരം തവണകൾ ജയിക്കാനുള്ള സാധ്യതകളും നമുക്കു മുന്നിലുണ്ട്‌,
തോൽ വി ഒരിക്കലേ ഉണ്ടാവൂ
തോറ്റെന്നു നമ്മൾ കരുതുമ്പോൾ മാത്രം

2017, മാർച്ച് 20, തിങ്കളാഴ്‌ച

പ്രത്യാശയുടെ ഗന്ധം

ജീവിതം നിന്നുപോകുമെന്നു തോന്നിച്ചിടത്തു വച്ച്‌
ഞാൻ എന്റെ വാക്കുകളെ കണ്ടുമുട്ടി.

കൈ നിറയെ
പ്രതാശയുടെ ഗന്ധവുമായി
അവയെന്നെ  നീർച്ചാലിനരികിലൂടെ നടത്തി