കഥ കേള്‍ക്കും മുമ്പ്
മുറ്റത്തേയ്ക്കിറങ്ങുക..
കാറ്റിനാണു കഥയുടെ കടിഞ്ഞാണ്‍ ..
ഭൂമിയിലേക്കുറ്റുനോക്കുക ..
മണ്ണില്‍ നിന്നതിന്റെ
വിത്തുകള്‍ മുളച്ചു വരുന്നു ..!
ഇനിയൊരു മഴ വേണം
കഥാവിത്തുകള്‍ വാടരുതല്ലോ..!!
സുഹൃത്തേ ,
മേല്‍ക്കൂര മറക്കൂ ..!!
കഥയില്‍ വിരിയുന്ന
പൂവുകളില്‍ മഞ്ഞു തുള്ളികള്‍
മയങ്ങിയിരിക്കുന്നത് നമുക്ക് കാണണ്ടേ ?..!!
ശ്രദ്ധിച്ച്, ആ വെയിലിനെ വിളിക്കൂ
കഥയ്ക്ക്‌ തെളിമ വേണ്ടേ ??
ഇനി നിന്‍റെ കണ്ണുകള്‍ തുറക്കുക
അതിലൂടെയാണെന്‍റെ വഴി ...!!
അടഞ്ഞ കണ്ണുകളിലൂടെയകത്തെക്ക് പോകൂ ...!!
പുറപ്പെട്ടു വരുന്ന രണ്ടു ചാലുകള്‍ക്കൊപ്പം
ആരും പറയാത്തൊരു കഥയിപ്പോള്‍ നിങ്ങള്‍ കേള്‍ക്കുന്നു ..!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ