പുലരിയുടെ കണ്ണുകള്‍
കാഴ്ചയെത്തും മുന്‍പേ
തിരുമ്മിയടയ്ക്കണം ..
നട്ടുച്ചയുടെ
മൂക്കിലും ചെവിയിലും
ശബ്ദഗന്ധങ്ങളെത്താതെ
പഞ്ഞി വയ്ക്കണം ...
വാക്കുകള്‍ വിരിയാതെ
താടി കൂട്ടി കെട്ടണം !!
വൈകുന്നെരത്തിന്‍റെ
കാല്‍ വിരലുകള്‍
യാത്രതിരിക്കാനോരുങ്ങുംമുന്‍പേ
ചേര്‍ത്തു ബന്ധിക്കണം ..!!
സന്ധ്യക്ക് മുന്‍പേ
ഓര്‍മകള്‍ക്ക് തീ കൊടുക്കണം !!
രാത്രികളില്‍
ആ ചിതയില്‍ നിന്ന്
വെട്ടം കൊള്ളുകയോ ,
ചൂട് കായുകയോ ആവാം ..!!
ഏകാന്തതയുടെ
കുടത്തിലാണല്ലോ..!!
സ്വപ്നങ്ങളുടെയും
ജീവിതത്തിന്റെയും
ചിതാഭസ്മം !!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ