ഏകദേശരൂപം
വരയ്ക്കാമെന്നെയുള്ളൂ ,..
പ്രണയമെന്ന്
വിളിക്കുകയുമാവാം ..!!!
വീണ്ടുമടയാളപ്പെടുത്താന്‍
ശ്രമിക്കുമ്പോഴും ..
ഔട്ട്‌ ലൈന്‍ മാത്രമേ ആവുന്നുള്ളൂ
എഴുതാന്‍ ഒരുങ്ങുമ്പോഴേക്കും
ലിപികളിലാത്ത ഭാഷയിലേക്ക്
വഴുതി മാറി ..
കാണിച്ചു കൊടുക്കാമെന്ന്
കൈ നീട്ടുമ്പോള്‍
നിറങ്ങളില്ലാത്ത മഴവില്ല് പോലെ
നിശബ്ദമായി ...
സ്വരങ്ങളിലില്ല ..!!
സ്വപ്നങ്ങളിലുമില്ല
എങ്കിലുമോരോ
നിശ്വാസവും പിന്നേയുമെപ്പോഴും
കാലമെഴുതിയ ഔട്ട്‌ ലൈന്‍
ഹൃദയത്തോടു ചേര്‍ത്തു
കടുപ്പിച്ചുകൊണ്ടേയിരിക്കും..!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ