ഭാഷാനിഘണ്ടു

ഒന്നാം  ബഞ്ചിലിരുന്ന  

ആറുവയസുകാരിയോട്‌  

ദൈവം  ചോദിച്ചു ;

നിന്‍റെ  പര്‍ദ്ദയെവിടെ?

നരകത്തില്‍  

സ്വര്‍ഗ്ഗം  നടാന്‍  

ഉപ്പയ്ക്ക്  കൊടുത്തു 

ദൈവം  ഭാഷാനിഘണ്ടുവില്‍ 

പര്‍ദ്ദയുടെ  അര്‍ഥം

തിരുത്തിയെഴുതി

കൈയബദ്ധം =ആണിന്റെ  ലോകത്ത്  പെണ്ണിനേയും പെണ്ണിന്‍റെ ലോകത്ത്  ആണിനേയും  സൃഷ്ടിച്ചത് 

ഇതാരാണ്  ഈ  വാക്ക്  തിരുത്തിയത് ?

ചോദ്യത്തിനുത്തരമായി 

മൂന്നാം ബെഞ്ചില്‍  

നാലാമതിരുന്നവള്‍

ശ്വാസകോശം നിറയെ 

ചലിക്കുന്ന  മത്സ്യങ്ങളുമായി
കടലില്‍ നിന്ന്
 എഴുന്നേറ്റു  നിന്നു,

അവള്‍ക്കു  പക്ഷെ  പര്‍ദ്ദയുണ്ടായിരുന്നു 

കുട്ടികള്‍ക്ക്  സ്വര്‍ഗ്ഗത്തിലേക്കുള്ള  

വഴി തെറ്റാതിരിക്കാന്‍  

 ചോക്കളേറ്റ് വിതറാന്‍ 

പോകും  മുന്‍പേ  

ചോരയൊലിപ്പിച്ചു 

വന്നു കയറിയവനാല്‍  

 ഒരു  വാക്കുകൂടി  തിരുത്തപ്പെട്ടു 

ദൈവം =പോത്ത്