തീ നാമ്പിലേക്കന്ന്
നീ നീട്ടിയ വിരല്‍ തുമ്പു
പൊള്ളിപ്പിടഞ്ഞു ഞാന്‍ തട്ടിമാറ്റി.
ഇന്നിതാ മഴയായി പെയ്യുന്ന
മിഴി പൂട്ടി നിന്നിട്ടു
ആളിയെരിയുന്ന ചിതയ്ക്കു നല്‍കി .
നിന്‍റെ മൂര്‍ദ്ധാവില്‍ വീണ മഴതുള്ളി
സ്നേഹപൂര്‍വ്വം
ഞാന്‍ തുടച്ചുമാറ്റി
ഇപ്പോഴെന്‍ പ്രാണനെ ഈറനുടുത്തു
ഞാന്‍ മണ്കുടമായി പുഴയ്ക്കു നല്‍കി
നിന്‍ കാല്‍ തട്ടിയ കല്ലിനോടന്നൊക്കെ
കാര്യമില്ലാതെ കലഹിച്ചിവള്‍
ഇന്നെന്‍റെ കരളിനെ കല്ലാക്കി മാറ്റിയീ
കല്‍ കുമ്പാരത്തിലായി കബറടക്കി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ