വിരലുകള്‍
വീണയെ
തഴുകുമ്പോലെ
വാക്കുകളെ
വഴക്കിയെടുത്തു
വരുതിയിലാക്കാനാണ്
ഞാന്‍ കൊതിക്കുന്നത് ..!!
പലപ്പോഴായി
പറഞ്ഞുപോയവ
ഈര്‍പ്പമുള്ളയിടങ്ങളിലെ
തളിര്‍പ്പുപോലെ
ഓര്‍മകളിലും
സ്വപ്നങ്ങളിലും
ലക്ഷ്യത്തിലുമുള്ള
പച്ചപ്പില്‍ വീണു കിളിര്‍ത്ത്
തണലായത് കാണുമ്പോള്‍....
വിഴുങ്ങിപ്പോയ വാക്കുകള്‍ക്ക്
എന്ത് സംഭവിച്ചിരിക്കാമെന്ന്,
ഒരാകുലതയുണ്ട് ;
ദഹനരസം കലരാത്ത
അവയെ
കൊത്തിമിനുക്കിയാവാം
ജീവിതം അലങ്കരിക്കപ്പെടുന്നത് ,
ജീവിതചുവരിലെ ഘടികാരങ്ങള്‍
മറക്കാതെ ചലിക്കുന്നതും
അവയുടെ
ചാവേര്‍ ശക്തിയിലാവാം ..!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ