2014, ജൂൺ 24, ചൊവ്വാഴ്ച

ചിത്രം

ഞാനൊരു ചിത്രം വരയ്ക്കുകയായിരുന്നു . പൂര്‍ത്തിയായ ചിത്രം കാണാന്‍ തെല്ലു പുറകിലേക്ക് നീങ്ങി നിന്ന് നോക്കുമ്പോള്‍ നിറങ്ങള്‍ ഇറങ്ങി നടന്നുപോകുന്നു . ഞാനോടി ചെന്ന് ചോദിച്ചു ..''നിങ്ങള്‍ എവിടെ പോകുന്നു ?'' '''ഞങ്ങള്‍ക്ക് സ്വാതന്ത്ര്യം വേണം '''. ഞാന്‍ ക്യാന്‍ വാസിലേക്ക് നോക്കി ...അത് ശൂന്യം ..നിറങ്ങള്‍ ഉച്ചത്തില്‍ സംസാരിക്കുന്നു , ഉറക്കെ ചിരിക്കുന്നു ,കടല്‍ക്കരവരെ ഒന്നിച്ചു പോയ നിറങ്ങള്‍ ഇപ്പോള്‍ കലഹിച്ചു തുടങ്ങി ....ഒടുവില്‍ അവയ്ക്കൊരു നിറം ....''ചുവപ്പ് ''. സൂര്യന്‍ അത് വാരി സന്ധ്യക്ക്‌ കുറി വരച്ചു . സന്ധ്യ ചുവന്നു . സന്ധ്യ കടലില്‍ മുഖം കഴുകി ...ഇപ്പോള്‍ കടലിനു നീല നിറം ....ഇപ്പോള്‍ എന്‍റെ നിറങ്ങള്‍ തിരികെ വരാന്‍ ആഗ്രഹിച്ചു ആഞ്ഞു തുഴയുന്നു .തീരം വരെ ,,,, തിര വീണ്ടും അവയെ തിരികെ കൊണ്ടുപോകുന്നു ..ഞാന്‍ തിരികെ നടന്നു . ക്യാന്‍ വാസിലേക്ക് നോക്കിയ എനിക്ക് തോന്നി .അത് ശൂന്യമ ല്ല .....അതിനിപ്പോള്‍ വെള്ളനിറമാണ്....സമാധാനത്തിന്‍റെ വെള്ളനിറം ...

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ