കഥകൾ

ലോകമൊരു തേനീച്ചക്കൂടുപോലായിരിക്കുന്നു.

കാലമോരോ തേനീച്ചയെയും 

അടർത്തി ഓരോ കഥ പറയുന്നു..

താൻ നിറച്ചുവച്ച തേനറകളിലെല്ലാം

കഥകൾ വളർന്നിരിക്കുന്നുവെന്നറിയാതെ

തേനീച്ച മൂളിപ്പറക്കുന്നു...!!!

കഥകളെല്ലാം മധുരിക്കുമെന്ന്

കരുതരുത്‌...

ഉപ്പും,ചവർപ്പും,കയ്പും

നിറഞ്ഞ കഥകളും അവയിലുണ്ട്‌.

കഥകളുടെ വിത്തുകൾ

കാട്ടിലുണ്ടാവുന്നയല്ലല്ലൊ!!

അവ നാടുവാഴികളുടെ

ശേഷക്കാരല്ലേ?..