മറ്റൊന്ന്

ഏറ്റവും എളുപ്പമെന്നു

തോന്നിക്കുന്ന ഒന്നിൽ

കാലൂന്നി നിൽക്കുമ്പോഴും

താരതമ്യേന പ്രയാസമെന്നു

കരുതുന്ന വിചിത്രമായൊരു

സ്വപ്നത്തിലേക്കു നിങ്ങൾ

നീണ്ടുപോകുന്നുണ്ടെങ്കിൽ

അതാണു നിങ്ങളുടെ വഴി..!

എല്ലാ വാതിലുകളും

അടഞ്ഞെന്നു നിങ്ങൾ തിരിഞ്ഞു നടക്കുമ്പോൾ

തലയുയർത്തി നടക്കുക..

മുൻപിലുണ്ട്‌ നിങ്ങളുടെ വാതിൽ.,

ഞാനിപ്പോൾ എന്റെ രണ്ടുചുവടു വീതിയുള്ള 

പച്ചക്കറിതോട്ടത്തിലൂടെ

നിങ്ങളെയും ഉൾക്കൊള്ളാവുന്ന

എന്റെ

മിയാവാക്കി കാടുകളിലേക്കു

പോകുന്നതങ്ങനെയാണു...!!!