അതിമോഹി
---------------
പുലരി ഒരു അതിമോഹിയാണു
പുലരുവോളം കണ്ട സ്വപ്നങ്ങളെ
ഓരോ പുൽനാമ്പിലും മഞ്ഞുതുള്ളിയിലും
തിരഞ്ഞുതിരഞ്ഞങ്ങനെ....!!
രാത്രി സ്വപ്നത്തിൽ പെയ്ത മഴയെ
പ്രഭാതത്തിന്റെ വേരിൽ നോക്കിനോക്കി...
ഇരുട്ടിൽ കുടഞ്ഞുകളഞ്ഞ
സ്വപ്നത്തിന്റെ നിറങ്ങളെ
സത്യത്തിൽ ചാലിച്ച്‌
പകലിന്റെ പൂക്കളെ
കടുപ്പിച്ച്‌ വരച്ച്‌...
പുലരി അതിമോഹിയാണു
ഇന്നലെകളെ മുഴുവനായി
ഒരു വിത്തായി സങ്കൽപിച്ച്‌
അതിൽ നിന്നു നൂതനാശയങ്ങൾ
മുളപൊട്ടുന്നതും
നൂറുമേനി വിളയുന്നതും
കാത്തിരിക്കുന്ന അതിമോഹി...!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ