2015, സെപ്റ്റംബർ 29, ചൊവ്വാഴ്ച

തുന്നല്‍പ്പാടുകള്‍


ഇന്നലെ തുന്നിയ 
കാടിനുള്ളിലെ
വേനല്‍ തെളിഞ്ഞാണ് 
ഇന്നടുപ്പെരിഞ്ഞത്

വേഗേന തുന്നിയ  
കടല്‍പ്പതയാണ്
കഞ്ഞിക്കു മുകളില്‍ നുരച്ചത് 

തുന്നിത്തീരാത്ത 
മെഴുതിരിയിലാണ് 
നാളത്തെ വെളിച്ചത്തിന്‍റെ
ജീവന്‍ കത്തുന്നത്

വളരെ ശ്രദ്ധിച്ച്  
വിരലുകള്‍ അകറ്റിവച്ച്
 ഞാനൊരു കുഞ്ഞുമുഖം തുന്നുകയാണ് 

തുന്നല്‍പ്പാടുകള്‍ക്കിടയില്‍ 
ചോര പൊടിഞ്ഞ
അടയാളങ്ങളുണ്ടായാല്‍ 
അവയ്ക്കു ജീവന്‍ വയ്ക്കുമത്രേ ..!

2 അഭിപ്രായങ്ങൾ:

  1. തുന്നിത്തീരാത്ത
    മെഴുതിരിയിലാണ്
    നാളത്തെ വെളിച്ചത്തിന്‍റെ
    ജീവന്‍


    വരികളിലെ ഈ തുന്നൽ ഏറെ ഹൃദ്യമായി

    മറുപടിഇല്ലാതാക്കൂ