ഞാനൊരു ഭ്രാന്തന്‍ മഴത്തുള്ളി ..!!
മഴയ്ക്കൊപ്പം പെയ്യുമെങ്കിലും
ഇലത്തുമ്പിലിറ്റുനേരമിറ്റി നില്‍ക്കും
ഒരു പക്ഷേ ,
നന്മകളുടെ മൂര്‍ദ്ധാവില്‍
നനവായ്
പതിച്ചേക്കാം
കൂര്‍ത്തൊരു കല്ലില്‍വീണു
വെള്ള മുത്തുകളായ്‌
ചിതറിയേക്കാം
മണ്ണിന്‍റെ മനസിലേക്ക്
മരവിപ്പോടെ
മിണ്ടാതെ പോയേക്കാം
മരിച്ചയിലയുടെ മാറില്‍
തീര്‍ഥമായ്
വീണു വറ്റിയുണങ്ങിയേക്കാം
ഇനിയുമോരീറന്‍ തുള്ളിക്കൊപ്പം
ഇഴഞ്ഞിഴഞ്ഞു
ജനാലച്ചില്ലില്‍ ചിത്രമെഴുതിയേക്കാം
നഗ്നപാദങ്ങളില്‍ നേര്‍രേഖയായി
നീണ്ടു നീണ്ടു വന്നു
നിങ്ങളില്‍ പൊള്ളലായേക്കാം.
ഞാനൊരു ഭ്രാന്തന്‍ മഴത്തുള്ളി
എന്നെ എന്‍റെ പെയ്ത്തിനു വിട്ടേക്കുക .....!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ