ചൂടും തണുപ്പും

ഞാന്‍  നിനക്കെഴുതുന്ന 

വാക്കുകളില്‍ 

ഒരു  മെഴുകുതിരിയുടെ 

ഉരുകിവീഴലും 

അവസാനയാളലും കണ്ടേക്കാം 

എന്നോ  മാനത്തു നിന്നു 

വീണുപോയ  

മണ്ണു കുടിച്ച 

മഴത്തുള്ളികള്‍  

കൂജയില്‍  ഒളിച്ചു പാര്‍ത്തതിന്റെ

തണുപ്പും  തോന്നിയേക്കാം 

ഒരു  നാളത്തിന്റെ  ചൂടും 

ഒരു മഴത്തുള്ളിയുടെ  തണുപ്പും 

ചുമക്കുന്ന  വാക്കുകള്‍ക്ക് 

എന്‍റെ  കണ്ണുകളുടെ  രൂപസാമ്യമുണ്ട് .

ഉരുകി വീണു  നനയ്ക്കുന്ന സ്വഭാവ സാദൃശ്യവും