ആ വൃദ്ധനൊരു വയലായിരുന്നു
നിധിയൊളിച്ചിരുന്ന വയല്‍ ,
വെടിയുണ്ടകൊണ്ടാഴത്തില്‍
കുഴിച്ചു നോക്കിയവനു
ത്രേതായുഗത്തിന്റെ
ഒറ്റപ്പേരു മാത്രമേ
തെളിവായി ലഭിച്ചുള്ളൂ .
കടല്‍ വറ്റിച്ചുപ്പുപരലുകളില്‍
ദേശസ്നേഹത്തിന്‍റെ കണികകള്‍
കണ്ടെത്തിയ ശാസ്ത്രത്തിന്‍റെ
പഴയ മുഖമായിരുന്നയാള്‍ക്ക്
കലിയുഗത്തിലെ
കലിയടങ്ങാത്തവര്‍
നെടുകെയും കുറുകെയും
കുഴിച്ചു നോക്കുമ്പോള്‍
രക്തം വറ്റിച്ചുപ്പു
നോക്കുന്നുണ്ട്
പുതിയ ചര്‍ക്കനൂലുകള്‍
ഓം ശാന്തി എന്നയൊറ്റ
മന്ത്രത്തെ
അയാള്‍ക്കൊപ്പം കുഴിച്ചു മൂടി
അതു മുളയ്ക്കുന്നതും
കാത്തിരിക്കുന്ന നമ്മെ
ഈ മണ്ണ് തിന്നാലും തികട്ടി വരും ...!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ