വിപ്ലവം
സൂക്ഷ്മമായി മുളയ്ക്കുന്ന
ഒരു ചെടിയാണു.
നിശബ്ദത കുടിച്ചാണതു വളരുന്നത്‌ ,
വസന്തമൊരു പാഴ്‌വാക്കല്ലെന്നു ആഴത്തിലിറങ്ങിയ വേരുകളും വൈകാതെ വിടർന്ന പൂവുകളും ഓർമ്മിപ്പിക്കും .
ആൾക്കൂട്ടത്തിലും ആരവങ്ങൾക്കിടയിലും ചവിട്ടിമെതിക്കപ്പെട്ട
വിശാലത മാത്രമേയുള്ളൂ,
ഒറ്റയടിപാതകൾക്കിരുവശവും കണ്ടൽക്കാടുകളിൽവിരിഞ്ഞ വിപ്ലവം
എന്നേ മുളച്ചിരുന്നു ,
പച്ച കലർന്നൊരു രക്തത്തിൽ;
എത്ര കൊല്ലം തേവിയ വിയർപ്പാണു
നമ്മൾ കാറ്റായ്‌ രുചിച്ചതെന്ന്
ആർക്കു പറയാനാവും.
വിപ്ലവം
സൂക്ഷ്മമായി മുളയ്ക്കുന്ന
ഒരു ചെടിയാണു.
നിശബ്ദത കുടിച്ചാണതു വളരുന്നത്‌ ,
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ