പൂ നുള്ളുന്ന കുട്ടികള്‍
ഏകാന്തതയകറ്റുന്നവരാണ്
എല്ലാവരും വസന്തം കാണുമ്പോള്‍
അവര്‍ ഒറ്റയ്ക്ക് വിരിയുന്ന പൂക്കള്‍ കാണും
നുള്ളുന്ന പൂക്കളെ സ്വന്തമായി കരുതും
വാടും വരെ കൂടെക്കൊണ്ടു നടക്കും
നിറമോ മണമോ അല്ല
ഒറ്റപ്പെടലാണ് പൂക്കളിലേക്ക്
അവരെ ആകര്‍ഷിക്കുന്നത്.
നമ്മുടെ കണ്ണുകളില്‍
അവര്‍ ഒറ്റപ്പെട്ട പൂക്കളാണ്
നാം കരുതുന്ന നിറമല്ല;
നമുക്കിഷ്ടമുള്ള മണവുമില്ല
നാം വസന്തത്തെ കാത്തിരിക്കുമ്പോള്‍
അവര്‍ വിരിയും കൊഴിയും
കൂടെ ഒറ്റയ്ക്ക് വിരിയുന്ന പൂക്കളും നുള്ളും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ