അതിവൃത്തങ്ങളിൽ അടയാളപ്പെടേണ്ട
ഒന്നാണു ജീവിതം,
വളരെ ചെറുതും
അടുക്കും ചിട്ടയുമുള്ളതുമായ,
ഒരേ ആരത്തിലും വ്യാസത്തിലുമുള്ള
വൃത്തത്തിന്റെ അളവുകളിൽ
അതപ്പാടെ മുഷിഞ്ഞു പോകും..!!!
വൃത്താലങ്കാരവർണ്ണങ്ങളിൽ
ഇതിവൃത്തമാകുകയെന്നാൽ
ജീവിതം ജീവിച്ചുതീർക്കാനാവാത്ത
നെരിപ്പോടുകളിൽ അമരുകയെന്നാണു,
വൃത്തങ്ങൾക്കുമപ്പുറം
അതിവൃത്തങ്ങളായി
അളവുകളിലല്ലാതെ
അടയാളപ്പെടേണ്ട ഒന്നാണു ജീവിതം..!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ