2017, ജൂലൈ 24, തിങ്കളാഴ്‌ച

അഭാവം

കവിതയെഴുതുന്ന
പെൺകുട്ടിയുടെ അഭാവത്തിൽ
എപ്പോഴാവും നിങ്ങൾ അവളെ ഓർമ്മിച്ചെടുക്കുക?

സന്ധ്യയ്ക്ക്‌ വിഷാദഭാവവുമായി
രാത്രിയെത്തുമ്പോഴൊ ?

ശരത്കാല പുലരികളിലൊന്നിൽ
കുയിൽനാദമുണർത്തുമ്പോഴൊ?

ആർത്തലച്ചു പെയ്യുന്ന
മഴയിൽ നിങ്ങൾ തനിച്ചു നടക്കുമ്പോഴൊ?

വസന്തം വിടർത്തിയ
പൂക്കൾ നുള്ളി
കുട്ടികൾ ആഹ്ലാദിക്കുമ്പോഴൊ??

എപ്പോഴാവും ,
മുല്ലപ്പൂക്കളുടെ മണമായി
കടുത്ത  കാപ്പിയുടെ
രുചിയായി
നിങ്ങളുടെ ചുണ്ടിലെ
നേർത്ത പുഞ്ചിരിയായി

ഒപ്പം ഇനം തിരിയാത്തൊരു
നോവായി
അവൾ നിങ്ങളിലേക്കെത്തി നിൽക്കുന്നത്‌???

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ