പരിഭാഷ

എന്റെ വാക്കുകൾ

ദൂരെയൊരു ഭൂഖണ്ഡത്തിലിരുന്നു

ആരൊ എഴുതിയവയുടെ പരിഭാഷയാണെന്ന് ആരൊക്കെയോ കരുതുന്നു

ലോകമനസിന്റെ ചിന്താധാരയിൽ നിന്ന്

ഒരു തുടം അവരും

ഒരു തുള്ളി ഞാനും

കോരിയെടുത്തതാവാം

വിശേഷപ്പെട്ടതായി അതിലൊന്നുമില്ലെങ്കിലും

ശ്ശ്രദ്ധിച്ചില്ലെങ്കിൽ

ആ ചിന്താശബ്ദം

നാം കേൾക്കാതെ പോകാം

ഏതു ഭാഷയിലെ

ശബ്ദകോശമെടുത്താലും

തണുക്കുമ്പോൾ

ചൂടുപുകയ്ക്കുകയെന്നത്‌

ഒരേയൊരു ചൈതന്യമാണു