വളരെ താഴ്‌ന്ന അപരിചിതമായ ശബ്ദത്തിൽ
ആരൊക്കെയൊ സ്നേഹത്തെക്കുറിച്ച്‌ സംസാരിക്കുന്നു
അവരെന്തിനെക്കുറിച്ചാണു സംസാരിക്കുന്നതെന്ന്
ഒരു കാരണവുമില്ലാതെ കൊല്ലപ്പെട്ട മകന്റെ
പിതാവിനൊ
പിച്ചിക്കീറപ്പെട്ട മകളുടെ
അമ്മയ്ക്കൊ മനസിലാവുന്നില്ല
വിശാലവും ഊഷരവുമായ
ഭൂമിയാണിതെന്ന്
അവർക്ക്‌ തൊന്നുന്നു
അവരുടെ വികാരങ്ങളുടെ
ആവൃതിക്ക്‌ പുറത്തു നിന്ന്
നാമെന്ന ജനക്കൂട്ടം
സ്നേഹത്തെക്കുറിച്ച്‌ സംസാരിക്കുന്നു
മൃഗങ്ങൾ സ്വയരക്ഷയ്ക്കു വേണ്ടി പലായനം
ചെയ്യുമ്പൊഴും
അതിനു പോലുമാകാതെ നിന്നു പോകുന്ന
വൃക്ഷങ്ങളെപ്പോലെ
നീതിക്കുവേണ്ടി നിലവിളിക്കാൻ പോലും
കഴിയാത്ത തരത്തിലുള്ള
ചില ജീവിതങ്ങളുണ്ട്‌
എന്റെ സ്വന്തം രാജ്യത്ത്‌!!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ