കൂർമ്മിപ്പിച്ച്‌ കൂർമ്മിപ്പിച്ചു
തീർന്നു പോകുന്നൊരു
പെൻസിലാണു ജീവിതം!
അതിൽ എഡിറ്റിംഗ്‌
അസാദ്ധ്യമായൊരു കലയൊന്നുമല്ല.
ഒഴുകിത്തീരാൻ
മനസ്സുള്ള
മഷിയായ്‌ തീരാൻ കഴിയുകയാണെങ്കിൽ മാത്രം
വെട്ടിത്തിരുത്തി
ഞാനെഴുതിയ വരികളുടെ
ഭംഗി നോക്കുകയാണു
ഞാനിപ്പോൾ
അവയ്ക്ക്‌ തിരുത്തപ്പെടാത്ത
വരികളുടെ വൃത്തി കണ്ടില്ലെന്നു വരാം
അർത്ഥമില്ലാതെയും ആത്മാവില്ലാതെയും അലയുന്ന
വാക്കുകളെക്കാൾ തെളിമയുണ്ടവയ്ക്ക്‌!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ