ഒരു നീരുറവ
അതിന്റെ ശബ്ദം കൊണ്ട്‌ നിങ്ങളെ ആകർഷിക്കുന്നില്ല,
കടലതിന്റെ ആരവം കൊണ്ട്‌
നിങ്ങളെ വിളിച്ചുകൊണ്ടേയിരിക്കുകയും ചെയ്യുന്നു.
ദാഹിക്കുമ്പോൾ ഒരു നീരുറവ തേടി നിങ്ങൾ യാത്ര തുടങ്ങുക തന്നെ ചെയ്യും
മറ്റൊരു യാത്രയുടെയവസാനം
കടൽ നിങ്ങളെ കൈവീശി
മടക്കിയയച്ചുവെന്നും വരാം.
അത്ര നിശബ്ദരായിരിക്കുന്നവരിലേക്ക്‌
ഓളങ്ങൾ നിക്ഷേപിച്ചാൽ
കടലുണ്ടാവുമെന്നത്‌
എത്ര വലിയ കെട്ടുകഥയാണു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ